Дээрхийн гэгээнтэн XIV Далай ламын Монгол дахь тавдугаар айлчлал

12-11-2012, 08:29  |  Хэвлэх

1995 оны найман сар, билгийн тооллын 17-р жарны модон гахай жилийн намрын эхэн сард Дээрхийн Гэгээнтэн XIV Далай лам Монгол оронд морилж Гандантэгчэнлин хийдэд анх удаа “Цогт цагийн Хүрдний Номлол”, Дүйнхор бурханы их авшигийг Монголын сүсэгтэн олонд хүртээв. Дээрхийн гэгээнтэн хамаг амьтны энх тайван, сайн сайхны төлөө цогт цагийн хүрдэн Дүйнхор бурханы 21 дэх удаагийн авшгийг өгсөн нь өлзий хутаг учрал болов.

Энэ үеэр Далай багш “Та бүхэн архиа бага ууж, айргаа тааваараа зооглоорой” хэмээн зарлигласан билээ. Мөн төв цэнгэлдэх хүрээлэнд Богд Зонховын туурвисан “Бодь Мөрийн Зэргийн Хураангуй Утга” болоод “Шүтэн Барилдлагын Магтаал” зэрэг бурханы шашны гүн ухааны номыг дэлгэрэнгүй айлдаж “увш” болон “бодьсадвын санваар” хайрлав.

Монголын ард түмэнд урт удаан наслах болон Монголын газар дэлхий, лус савдаг, байгаль орчин эв зохилдон оршихын өлзийг өршөөн соёрхож “Цагаан Дарь эх бурханы насны авшиг”, “Доржнамжом бурханы орон дэлхийн угаалга” зэргийг айлдан соёрхож их номын хурыг Монгол орны хүн ард, газар шороонд буулган зохиожээ.
Үзсэн: 5224
 

Хуваарь (ойрын)

Дарамсала хот дахь номын айлдвар. Энэтхэг, ХП, Дарамсала

2018 оны 10 дугаар сарын 3-6

Дээрхийн Гэгээнтэн Далай Лам Тайваны сүсэгтнүүдийн хүсэлтээр дөрвөн өдрийн турш "Төвд орохуй" номыг тайлбарлан айлдана.
Манали дахь номын айлдвар. Энэтхэг, ХП, Манали.

2018 оны 10 дугаар сарын 12-14

Дээрхийн Гэгээнтэн Далай Лам 10 дугаар сарын 12-13 өдрүүдэд Гэвш Чадхавагийн "Оюун судлахуйн долоон утга" номыг тайлбарлан айлдаж, 14-ний өглөө сүсэгтэн олонд насны авшиг хүртээнэ. Номын айлдварыг Вон Аари хийд зохион байгуулах ба номын айлдвар Бахан (Манали)-ы Химвали цэнгэлдэх хүрээлэнд явагдана.

Сайтын үндсэн бүтэц