Энэтхэг, Дарамсала, 2014.03.26 - Тайм корпорациас эрхлэн гаргадаг Фортуна сэтгүүлээс жилийн орлого хийгээд хэвлэл нийтлэл гэх зэрэг олон үзүүлэлтээр дэлхийн 50 топ удирдагч нарын жагсаалт гаргадаг билээ.
Жагсаалтанд шашны тэргүүнүүдээс Дээрхийн Гэгээнтэн, Пап ламтан хоёр орсон аж. Тус сэтгүүл Дээрхийн Гэгээнтнийг 50 гаруй жилийн турш ардчилал, хүчирхийллийн эсрэг, энх тайвны төлөөх олон нийтэд хандсан үйлс, шашин хоорондын эв нэгдлийг хангахын төлөөх хүчин чармайлтыг үнэлэн жагсаалтанд өргөмжилсөн байна. Дээрхийн Гэгээнтэн твитерт 8.6 сая дагагчтай байгаа нь түүний нөлөөллийг харуулж байна хэмээн уг сэтгүүлд дурьджээ.