Дээрхийн Гэгээнтэн Далай Лам Хүнсүрт айлдвараа эхэллээ

2013 оны 7 дугаар сарын 13

Энэтхэг, Карнатка, Хүнсүр, 2013.07.12 (Тэнзэн Дэсал, Тивэт Пост Интэрнэйшнэл) – Төвдийн шашны тэргүүн Дээрхийн Гэгээнтэн Далай Лам төвдийн Билакуппе дэх дацанд айлчилсны дараа Хүнсүр дах Төвдийн Равжайлин дацанд айлдвараа эхэллээ.

Айлчлалын эхний өдөр Дээрхийн Гэгээнтэн Ямандаг бурханы авшигийн бэлтгэл номыг Жонкар Чодэ хийдэд айлдав. Уг хийдийн салбар нь Төвд дэх эртний хийдийн нэг нь ажээ. Ямандаг бурхан нь Манзушир бурханы хувилсан дүр буюу цэцэн ухааны гэгээрэлд хүрсэн ба мунхагийн харанхуйг гэтлэн туулахад тустай хэмээн Төвдүүд үздэг.

Айлдварын өмнө тэнд хүрэлцэн ирсэн америк-вьетнамчуудад хандан дайны хүнд хэцүү цаг үед “та бүхэн гайхалтай хүчтэй байсан. Өөрсдийн тэр уламжлалаа хадгалан үлдэхийг хичээгээрэй” хэмээн захилаа.
"Энэ айлдварыг эхлэж байгаадаа баяртай байна. Үүнийг өөрийн багш гавж Трижан Ринбүүчигээр хөтлүүлсэн" хэмээв.

Тэнд оролцогчдын нэг Хьюстон хотын вьетнам Та Ва: "Дээрхийн Гэгээнтнээс энэхүү айлдварыг сонсох завшаан олдож байгаад туйлын баяртай байна. Далай Багш бидний сэтгэлд их ойр байдаг. Вьетнамчууд бид Далай Багшийг дагадаг” хэмээлээ.

"Бидний сэтгэлд Төвдүүдэд их ойрхон байдаг. Учир нь бид адилхан зовлонг туулсан” хэмээн тэрээр нэмж хэллээ.
Дээрхийн Гэгээнтэн маргааш Жиюмэд Тантрик Их Сургууль болон Жонкар Чодэ хийдэд сургаал айлдах ажээ.