Дээрхийн Гэгээнтэн Далай Лам Дийр Парк-т хүрэлцэн ирэв

2016 оны 3 дугаар сарын 5

АНУ, Висконсин, Мадисон. 2016.03.05 - Цас шөнөжин орсон учир юмс бүгд цав цагаан, агаар тунгалаг сайхад өдөр Дээрхийн Гэгээнтэн Далай Лам "Дийр Парк"-т хүрэлцэн ирэв. Ихэнх нь төвөд хүмүүс голлосон 300 гаруй хүмүүс түүнийг угтсан юм.

Дээрхийн Гэгээнтэн Далай Лам баяр баяслаар дүүрэн хүмүүсийн зүг гар даллан мэндэлж, ялангуяа өөрийн хуучин анд нөхдийг харж байгаадаа баяртай байлаа. Төвөд иргэд уламжлалт таши шолба бүжиг бүжиж, залуучууд уламжлалт ёсын дагуу замбаа гурил барин угтсан юм.

Дээрхийн Гэгээнтэн Далай Лам "Дийр Парк"-т гэвш Ланри Танбагийн "Оюун судлахуйн найман бадаг" номыг тайлбарлан айлдах ба өнөөгийн дэлхий дахинд хэрхэн сайн хүнийг бий болгох талаар хэлэлцүүлэг өрнүүлэх болно.