1989 оны Нобелийн Энх Тайвны шагналыг гардуулах шийдвэр

12-10-2012, 13:08  |  Хэвлэх

1989 оны Нобелийн Энх Тайвны шагналыг гардуулах шийдвэр

Норвегийн Нобелийн хороо 1989 оны Нобелийн Энх Тайвны шагналыг Төвдийн ард түмний төр, шашны удирдагч 14-р Далай лам Данзанжамцад олгохоор шийдвэрлэв.

Төвдийн эрх чөлөөний төлөө Далай лам хүч үл хэрэглэх зарчмыг баримтлан тууштай тэмцэж ирснийг хорооны зүгээс онцлон тэмдэглэхийг хүсч байна. Өөрийн ард түмний түүх, соёлын өв уламжлалыг хамгаалан хадгалах үүднээс хүчирхийллийн оронд бие биенээ харилцан хүндэтгэх, хүлээцтэй байх, асуудлыг энх тайвнаар шийдэх арга замыг тэрээр хөхүүлэн дэмжсэн юм.

Далай лам нийт хүн төрөлхтөн, хамаг амьтан, байгалийн асуудлыг хамарсан хамтын хариуцлагын үзэл баримтлал дээр үндэслэн өөрийн энх тайвны философийг боловсруулжээ. Далай лам олон улсын зөрчилдөөн, хүний эрх болон дэлхий нийтийн байгаль орчны асуудлыг шийдвэрлэх ирээдүйг харсан, бүтээлч саналыг дэвшүүлсэн гэж хорооны зүгээс үзсэн болно.

1989 оны 10 дугаар сарын 5, Осло хот
Үзсэн: 4167
 

Хуваарь (ойрын)

Номын айлдвар. Энэтхэг, Бихар, Бодьгаяа

2018 оны 1 дүгээр сарын 5-8

Дээрхийн Гэгээнтэн Далай Лам Энэтхэгийн сүсэгтнүүдийн хүсэлтээр "Номын хүрд эргүүлсэн судар", "Шүтэн барилдахуйн судар" номуудыг тайлбарлан айлдана.
Номын айлдвар. Энэтхэг, Бихар, Бодьгаяа

2018 оны 1 дүгээр сарын 14-16

Дээрхийн Гэгээнтэн Далай Лам хутагт Нагаржунайн "Бодь сэтгэлийн тайлбар", Тогмэд Санбугийн "Бодьсадвын гучин долоон гарын авлага" номуудыг тайлбарлан айлдана.
Номын айлдвар. Энэтхэг, ХП, Дарамсала

2018 оны 3 дугаар сарын 2

Дээрхийн Гэгээнтэн Далай Лам уламжлалт ёсоор "Бурхан Багшийн төрөл цадиг" номыг Зүглаг Хан дуганд тайлбарлан айлдана.

Сайтын үндсэн бүтэц