Дээрхийн Гэгээнтэн Далай лам Австралийн ерөнхий сайд болон Монгол улсын ерөнхийлөгчид баяр хүргэлээ.

29-06-2013, 08:33  |  Хэвлэх

2013 оны 6 дугаар сарын 28

Энэтхэг, Химачал Прадеш, Дарамсала, 6 дугаар сарын 27-ны пүрэв гаригт Дээрхийн Гэгээнтэн Далай лам Австралийн ерөнхий сайдын үүрэгт ажлаа дахин хүлээн авсан Кевин Радд болон Монгол улсын ерөнхийлөгчөөр дахин сонгогдсон Цахиагийн Элбэгдорж нарт баярын захидал илгээв.

Австралид хийсэн 10 өдрийн айлчлалаа дөнгөж дуусгаад байсан тэрээр нийгмийн бүхий л давхаргын хүмүүсийн үзүүлсэн хайр халамж, найрсаг харьцаанд сэтгэл хөдөлснөө захидалдаа дурьдсан байна. Хүн төрөлхтнийг илүү аз жаргалтай болгоход хүмүүний үнэт зүйл хэрхэн тус болох талаар улам ихийг мэдье хэмээн түүнтэй уулзаж учирсан хүмүүс өөдрөг сэтгэл гаргаж байсан нь түүнд урам зориг өгснийг Дээрхийн Гэгээнтэн захидалдаа өгүүлжээ.

Ерөнхийлөгч Цахиагийн Элбэгдоржид илгээсэн захидалдаа Дээрхийн Гэгээнтэн 2011 онд Монголд айлчлах үедээ түүнтэй уулзсан гэгээн дурсамжийнхаа талаар бичсэн байна. Монгол улс гайхалтай дэвшил хийсний үр дүнд олсон ололт амжилт нь улам илүү утга төгөлдөр болж, жирийн ард иргэдийн амьдралыг дээшлүүлэхэд шууд үр дүнгээ өгнө гэдэгт итгэж буйгаа тэрээр онцлон тэмдэглэлээ.
Үзсэн: 2 540
 

Хуваарь (ойрын)

Дарамсала хот дахь номын айлдвар. Энэтхэг, ХП, Дарамсала

2018 оны 10 дугаар сарын 3-6

Дээрхийн Гэгээнтэн Далай Лам Тайваны сүсэгтнүүдийн хүсэлтээр дөрвөн өдрийн турш "Төвд орохуй" номыг тайлбарлан айлдана.
Манали дахь номын айлдвар. Энэтхэг, ХП, Манали.

2018 оны 10 дугаар сарын 12-14

Дээрхийн Гэгээнтэн Далай Лам 10 дугаар сарын 12-13 өдрүүдэд Гэвш Чадхавагийн "Оюун судлахуйн долоон утга" номыг тайлбарлан айлдаж, 14-ний өглөө сүсэгтэн олонд насны авшиг хүртээнэ. Номын айлдварыг Вон Аари хийд зохион байгуулах ба номын айлдвар Бахан (Манали)-ы Химвали цэнгэлдэх хүрээлэнд явагдана.

Сайтын үндсэн бүтэц